Zillion প্ৰাইমলাইফস্টাইলশিক্ষা

মাকক টকা-পইচাৰ দৰে সম্পত্তিৰ লগত নুজুখিব – অনুপম চক্রবর্তী

দুপৰীয়া ফোন এটা আহিল । মহিলাৰ কণ্ঠ । তেওঁক সহায় লাগে । মই ক’লো : কওঁক । তেখেতৰ কথাখিনি চমুকৈ এনেকুৱা : তিনিগৰাকী ছোৱালী । তেওঁলোক দুগৰাকী গুৱাহাটীত সংস্থাপিত । নিজা ঘৰ গুৱাহাটীত । মাক থাকে যোৰহাটত । ডাঙৰ জীয়েকৰ লগত । সমস্যাটো হ’ল : মাকক বায়েকে ভালকৈ নাচায় । খুব কষ্ট দিয়ে ।তেখেতে জনালে যে গাঁৱলৈ আমি নাযাওঁ । মাটি-বাৰী আমাক নালাগে । খেতিৰ বতৰত কেতিয়াবা বস্তাত চাউল আনো ইমানেই । সহায় কি কৰিব লাগে ?- মই সুধিলোঁ । তেওঁ ক’লে : আমি তাত এটা কেচ দিম । কেমেৰাত বায়েক-ভিনীয়েকক উঠাই টিভিত দি দিব লাগে !

মই ক’লো : টিভি, কেমেৰা , কেচত লগাতকৈ আপোনালোকৰ গুৱাহাটীত থকা এজনীয়ে নিজৰ ঘৰলৈ মাক আনি নাৰাখে কিয় ? তেখেতৰ উত্তৰ : গুৱাহাটীত তেনেকৈ ৰখা দিগদাৰ দিয়কচোন ।আমি খুবেই ব্যস্ত যে ! আৰু চাওঁক – মাটি-বাৰী দিয়েই দিছোঁ । মাক চাবই লাগিব । মই নম্ৰতাৰে জনালোঁ : মাকক টকা-পইচাৰ দৰে সম্পত্তিৰ লগত নুজুখিব । মাক জোখক মমতা বোলা শব্দটোৰ লগত । এই শব্দটো আচল সম্পত্তি । সম্পত্তিবোৰ বেছি খৰছ হ’ব বুলি ভাবি যদি মায়ে আপোনাক জন্ম দিয়াৰ পৰা বাৰণ হলহেঁতেন, তেন্তে আপুনিছোঁন পৃথিৱীখনেই নেদেখিলেহেঁতেন ।

তেওঁ মোৰ কথাত বেছি গুৰুত্ব নিদিলে ।বাৰে বাৰে সুধিলে: সহায় কৰিবনে ? মই ক’লো : কৰিম ।কেৱল কেমেৰাত গুৱাহাটীত থকা দুয়োজনী আহি কব লাগিব যে মাক আমি ৰাখিব নোৱাৰোঁ । কবনে ?

তেওঁ ফোনতো কাটি দিলে । কিয় নাজানোঁ, লৰালিত মায়ে কেনেকৈ মোক গা ধুৱাইছিল, ভাত খুৱাইছিল আৰু চাৰিবছৰ আগতে মাক হেৰোৱা দিনটোলৈ মনত পৰিল ।

মা – দেউতা তেনেকুৱাই ।
যি অবিস্মৰণীয়।

This article is written by Anupam Chakraborty

Team Zillion Media

Zillion Media is a multilingual platform that produces and publishes original stories with an aim to inform, educate, and inspire young mindsets. Zillion Media helps and educates people about technology, history, entrepreneurship, business, environment, and more, through thoughtful, well-crafted, engaging, and informative content.

Related Articles

Leave a Reply

Your email address will not be published. Required fields are marked *

Back to top button